ਹਲਕਾਏ ਕੁੱਤੇ ਨੇ ਬੱਚਿਆਂ ਤੇ ਪਾਲਤੂ ਕੁੱਤਿਆਂ ਨੂੰ ਕੱਟਿਆ

23/02/2024

ਧਿਆਨਪੁਰ ਹਸਪਤਾਲ ਅਧੀਨ ਆਉਂਦੇ ਪਿੰਡ ਅਰਲੀਭੰਨ ਵਿਖੇ ਵੀਰਵਾਰ ਦੇਰ ਸ਼ਾਮ ਨੂੰ ਹਲਕਾਏ ਕੁੱਤੇ ਵੱਲੋਂ ਤਿੰਨ ਤੋਂ ਵੱਧ ਬੱਚਿਆਂ ਅਤੇ ਦਰਜਨ ਦੇ ਕਰੀਬ ਪਾਲਤੂ ਕੁੱਤਿਆਂ ਨੂੰ ਕੱਟਣ ਕਾਰਨ ਪਿੰਡ ਵਿੱਚ ਦਹਿਸ਼ਤ ਦਾ ਮਾਹੌਲ ਬਣਿਆ ਹੋਇਆ ਹੈ। ਇਸ ਸਬੰਧੀ ਜਾਣਕਾਰੀ ਦਿੰਦਿਆਂ ਹੋਇਆਂ ਲੀਲੋ ਨੇ ਦੱਸਿਆ ਕਿ ਉਸ ਦੀ ਪੋਤਰੀ 3, ਮਹਿਕ 6 ਪੁੱਤਰੀ ਰਾਜੂ ਜੋ ਦੂਸਰੀ ਜਮਾਤ ਦੀ ਵਿਦਿਆਰਥਣ ਹੈ ਤੋਂ ਇਲਾਵਾ ਹੁਸਨਪ੍ਰੀਤ ਸਿੰਘ ਪੁੱਤਰ ਸੁਰਜੀਤ ਸਿੰਘ 11 ਸਾਲ ਨੂੰ ਖੇਡਦੇ ਸਮੇਂ ਇਕ ਹਲਕਾਏ ਕੁੱਤੇ ਨੇ ਕੱਟ ਕੇ ਜ਼ਖਮੀ ਕਰ ਦਿੱਤਾ ਗਿਆ। ਉਹਨਾਂ ਕਿਹਾ ਕਿ ਇਸ ਤੋਂ ਇਲਾਵਾ ਪਿੰਡ ਦੇ ਹੋਰ ਬੱਚਿਆਂ ਅਤੇ‌ ਪਾਲਤੂ ਕੁੱਤਿਆਂ ਨੂੰ ਵੀ ਹਲਕਾਏ ਕੁੱਤੇ ਵੱਲੋਂ ਕੱਟਿਆ ਗਿਆ ਹੈ। ਇਸ ਸਬੰਧੀ ਸਬੰਧਤ ਸਿਹਤ ਵਿਭਾਗ ਦੀ ਜ਼ਿਲਾਂ ਅਧਿਕਾਰੀ ਡਾਕਟਰ ਪ੍ਰਭਜੋਤ ਕੌਰ ਕਲਸੀ ਨਾਲ ਗੱਲਬਾਤ ਕੀਤੀ ਤਾਂ ਉਹਨਾਂ ਇਸ ਸਬੰਧੀ ਪਿੰਡ ਵਿੱਚ ਸਿਹਤ ਵਿਭਾਗ ਦੀਆਂ ਟੀਮਾਂ ਭੇਜ ਕੇ ਪੀੜਤਾਂ ਨੂੰ ਐਂਟੀ ਰੈਬੀਜ ਵੈਕਸੀਨ ਲਗਾਈ ਜਾਵੇਗੀ ਅਤੇ ਉਹ ਤੁਰੰਤ ਸਬੰਧਤ ਐਸਐਮਓ ਦੀ ਡਿਊਟੀ ਲਗਾਉਣਗੇ।