ਪੁਰਾਣੀ ਰੰਜਿਸ਼ ਤਹਿਤ ਕੀਤੀ ਵਿਅਕਤੀ ਦੀ ਹੱ+ਤਿ+ਆ, ਚਾਕੂਆਂ ਨਾਲ ਵਾਰ ਕਰ ਕੇ ਉਤਾਰਿਆ ਮੌ+ਤ ਦੇ ਘਾਟ

03/11/2024

ਐਤਵਾਰ ਨੂੰ ਸ਼ਿਮਲਾਪੁਰੀ ਦੇ ਟੇਢੀ ਰੋਡ ਇਲਾਕੇ ਵਿੱਚ ਪੁਰਾਣੀ ਰੰਜਿਸ਼ ਦੇ ਚਲਦੇ ਇੱਕ ਵਿਅਕਤੀ ਨੂੰ ਮੌਤ ਦੇ ਘਾਟ ਉਤਾਰ ਦਿੱਤਾ ਗਿਆ l ਹਮਲਾਵਰ ਨੇ ਵਿਅਕਤੀ ਉੱਪਰ ਚਾਕੂ ਨਾਲ ਕਈ ਵਾਰ ਕੀਤੇ l ਜ਼ਖਮੀ ਹੋਏ ਵਿਅਕਤੀ ਨੂੰ ਬਚਾਉਣ ਲਈ ਅੱਗੇ ਆਏ ਇਲਾਕੇ ਦੇ ਰਹਿਣ ਵਾਲੇ ਤਿੰਨ ਹੋਰ ਲੋਕ ਫੱਟੜ ਹੋ ਗਏ l ਮ੍ਰਿਤਕ ਦੀ ਪਛਾਣ ਸ਼ਿਮਲਾਪੁਰੀ ਟੇਢੀ ਰੋਡ ਗਲੀ ਨੰਬਰ ਨੌ ਦੇ ਰਹਿਣ ਵਾਲੇ ਨਿਰਮਲ ਸਿੰਘ ਵੱਜੋਂ ਹੋਈ ਹੈ। ਸੂਤਰਾਂ ਦਾ ਕਹਿਣਾ ਹੈ ਕਿ ਦੋਵਾਂ ਧਿਰਾਂ ਦੀ ਪੁਰਾਣੀ ਰੰਜਿਸ਼ ਚਲਦੀ ਆ ਰਹੀ ਸੀl

ਬੀਤੀ ਰਾਤ ਨਿਰਮਲ ਅਤੇ ਉਸਦੇ ਕੁਝ ਸਾਥੀਆਂ ਨੇ ਹਮਲਾਵਰ ਦੀ ਮਾਤਾ ਨਾਲ ਗਾਲੀ ਗਲੋਚ ਕੀਤੀ l ਸਵੇਰੇ ਵੇਲੇ ਨਿਰਮਲ ਸਿੰਘ ਆਪਣਾ ਮੋਟਰਸਾਈਕਲ ਗਲੀ ਵਿੱਚ ਖੜਾ ਕਰ ਰਿਹਾ ਸੀ ਇਸੇ ਦੌਰਾਨ ਹਮਲਾਵਰ ਜਤਿੰਦਰ ਸਿੰਘ ਉਰਫ ਜੋਤੀ ਉੱਥੇ ਪਹੁੰਚ ਗਿਆl ਦੋਵਾਂ ਵਿਚਕਾਰ ਮੋਟਰਸਾਈਕਲ ਨੂੰ ਗਲੀ ਵਿੱਚ ਖੜਾ ਕਰਨ ਦੀ ਗੱਲ ਨੂੰ ਲੈ ਕੇ ਬਹਿਸ ਹੋ ਗਈ l ਹਮਲਾ ਕਰਨ ਲਈ ਪਹਿਲੋਂ ਤੋਂ ਹੀ ਤਿਆਰ ਜਤਿੰਦਰ ਸਿੰਘ ਜੋਤੀ ਨੇ ਨਿਰਮਲ ਉੱਪਰ ਚਾਕੂ ਨਾਲ ਵਾਰ ਕਰਨੇ ਸ਼ੁਰੂ ਕਰ ਦਿੱਤੇ l ਗੰਭੀਰ ਰੂਪ ਵਿੱਚ ਜ਼ਖਮੀ ਹੋਏ ਨਿਰਮਲ ਨੂੰ ਹਸਪਤਾਲ ਲਿਜਾਂਦਾ ਗਿਆ ਜਿੱਥੇ ਡਾਕਟਰਾਂ ਨੇ ਉਸ ਨੂੰ ਮ੍ਰਿਤਕ ਐਲਾਨ ਕਰ ਦਿੱਤਾ l ਇਸ ਮਾਮਲੇ ਵਿੱਚ ਪੁਲਿਸ ਡੁੰਗਾਈ ਨਾਲ ਪੜਤਾਲ ਕਰਨ ਵਿੱਚ ਜੁੱਟ ਗਈ ਹੈ।