ਕਾਂਗਰਸ ਕੌਂਸਲਰ ਸੰਨੀ ਭੱਲਾ ਦੇ ਪਿਤਾ ਏ.ਡੀ ਭੱਲਾ ਦਾ ਹੋਇਆ ਦੇਹਾਂਤ, ਕੱਲ ਹੋਵੇਗਾ ਸਸਕਾਰ

ਲੁਧਿਆਣਾ, 05 ਨਵੰਬਰ

ਵਾਰਡ ਨੰਬਰ 82 ਦੇ ਕੌਂਸਲਰ ਗਗਨਦੀਪ ਭੱਲਾ ਉਰਫ ਸੰਨੀ ਦੇ ਪਿਤਾ ਏ.ਡੀ ਭੱਲਾ ਦਾ ਅੱਜ ਡੀਐਮਸੀ ਹਸਪਤਾਲ ਵਿੱਚ ਦੇਹਾਂਤ ਹੋ ਗਿਆ। ਉਹ ਪਿਛਲੇ ਕੁਝ ਦਿਨਾਂ ਤੋਂ ਬਿਮਾਰ ਸਨ, ਏ.ਡੀ.ਭੱਲਾ ਦੇ ਪਰਿਵਾਰ ਵਿੱਚੋਂ ਪੁੱਤਰ ਸੰਨੀ ਭੱਲਾ ਤੋਂ ਇਲਾਵਾ ਦੋ ਵੱਡੀਆਂ ਭੈਣਾਂ ਹਨ, ਜਿਨ੍ਹਾਂ ਦਾ ਵਿਆਹ ਦਿੱਲੀ ਅਤੇ ਜੈਪੁਰ ਵਿੱਚ ਹੋਇਆ ਹੈ। ਏ.ਡੀ ਭੱਲਾ ਦੀ ਮੌਤ ਤੋਂ ਬਾਅਦ ਸੰਨੀ ਭੱਲਾ ਅਤੇ ਉਨ੍ਹਾਂ ਦੇ ਪਰਿਵਾਰ ਨਾਲ ਦੁੱਖ ਪ੍ਰਗਟ ਕਰਨ ਲਈ ਲੋਕ ਉਨ੍ਹਾਂ ਦੀ ਰਿਹਾਇਸ਼ 'ਤੇ ਇਕੱਠੇ ਹੋਏ। ਉਨ੍ਹਾਂ ਦਾ ਅੰਤਿਮ ਸੰਸਕਾਰ 6 ਨਵੰਬਰ ਨੂੰ ਦੁਪਹਿਰ 1 ਵਜੇ ਸਿਵਲ ਲਾਈਨ ਸ਼ਮਸ਼ਾਨਘਾਟ ਵਿਖੇ ਕੀਤਾ ਜਾਵੇਗਾ।