PGI 'ਚ ਜ਼ੇਰੇ ਇਲਾਜ ਹਰਮੀਤ ਕੌਰ ਦੀ ਹੋਈ ਮੌ+ਤ, ਫਰਜ਼ੀ ਨਰਸ ਬਣ ਕੇ ਔਰਤ ਨੇ ਲਾਇਆ ਸੀ ਜ਼ਹਿ+ਰੀਲਾ ਟੀਕਾ

11/12/2023

ਪੀਜੀਆਈ 'ਚ ਦਾਖਲ ਮਰੀਜ਼ ਹਰਮੀਤ ਕੌਰ ਉਮਰ 24 ਸਾਲ, ਪਤਨੀ ਗੁਰਵਿੰਦਰ ਸਿੰਘ ਵਾਸੀ ਰਾਜਪੁਰਾ, ਪਟਿਆਲਾ, ਜਿਸ ਨੂੰ 7 ਨਵੰਬਰ ਨੂੰ ਵਿੱਚ ਗੰਭੀਰ ਹਾਲਤ ਵਿੱਚ ਬਾਹਰਲੇ ਹਸਪਤਾਲ ਤੋਂ ਰੈਫਰ ਕਰਨ ਉਪਰੰਤ ਦਾਖਲ ਕਰਵਾਇਆ ਗਿਆ ਸੀ, ਨੇ ਐਤਵਾਰ ਸ਼ਾਮ 7 ਵਜੇ ਆਖਰੀ ਸਾਹ ਲਿਆ।

ਪੀਜੀਆਈ ਵੱਲੋਂ ਜਾਰੀ ਬਿਆਨ ਅਨੁਸਾਰ ਮਰੀਜ਼ ਨੂੰ ਜਦੋਂ 7 ਨਵੰਬਰ ਨੂੰ ਪੀਜੀਆਈ ਨੂੰ ਰਿਪੋਰਟ ਕੀਤਾ ਗਿਆ, ਤਾਂ ਪਹਿਲਾਂ ਹੀ ਗੰਭੀਰ ਗੁਰਦੇ ਦੀ ਸੱਟ, ਮਲਟੀ-ਆਰਗਨ ਡਿਸਫੰਕਸ਼ਨ ਕਾਰਨ 4 ਨਵੰਬਰ ਨੂੰ ਡਿਲੀਵਰੀ ਦੀਆਂ ਪੇਚੀਦਗੀਆਂ ਦੇ ਨਤੀਜੇ ਵਜੋਂ ਬਹੁਤ ਜ਼ਿਆਦਾ ਖੂਨ ਵਹਿਣ ਕਾਰਨ ਪੀਜੀਆਈ ਰੈਫਰ ਕਰਨ ਤੋਂ ਪਹਿਲਾਂ ਹੀ ਉਸ ਦਾ ਡਾਇਲਸਿਸ ਕਰਵਾਇਆ ਗਿਆ ਸੀ।ਪੀਜੀਆਈ ਦੇ ਬੁਲਾਰੇ ਨੇ ਦੱਸਿਆ ਕਿ ਇੱਥੇ ਪੀਜੀਆਈ ਪਹੁੰਚਣ ’’ਤੇ, ਮਰੀਜ਼ ਦੇ ਖੂਨ ਵਹਿਣ ’’ਤੇ ਕਾਬੂ ਪਾਇਆ ਗਿਆ। ਬਾਅਦ ਵਿੱਚ ਉਸ ਨੂੰ 16 ਨਵੰਬਰ ਨੂੰ ਐਡਵਾਂਸਡ ਟਰਾਮਾ ਸੈਂਟਰ ਆਈਸੀਯੂ ਵਿੱਚ ਤਬਦੀਲ ਕਰ ਦਿੱਤਾ ਗਿਆ ਸੀ ।ਇੱਕ ਧੋਖਾਧੜੀ ਦੀ ਕੋਸ਼ਿਸ਼ ਦੁਆਰਾ ਉਸ ਵਿੱਚ ਅਣਜਾਣ ਪਦਾਰਥ ਦੇ ਟੀਕੇ ਦੇ ਨਤੀਜੇ ਵਜੋਂ ਹੋ ਸਕਦਾ ਹੈ ਜਿਸ ਨੇ ਪਹਿਲਾਂ ਹੀ ਗੰਭੀਰ ਹਾਲਤ ਨੂੰ ਵਧਾ ਦਿੱਤਾ ਸੀ। ਇਸ ਲਈ ਉਸ ਨੂੰ ਜੀਵਨ ਸਹਾਇਤਾ ’’ਤੇ ਰੱਖਿਆ ਗਿਆ ਸੀ ਅਤੇ ਡਾਕਟਰ ਮਰੀਜ਼ ਦੀ ਨੇੜਿਓਂ ਨਿਗਰਾਨੀ ਕਰ ਰਹੇ ਸਨ।

ਹਾਲਾਂਕਿ, ਉਸਦੀ ਹਾਲਤ ਲਗਾਤਾਰ ਵਿਗੜਦੀ ਰਹੀ ਤੇ ਇਲਾਜ ਕਰ ਰਹੀ ਟੀਮ ਦੀਆਂ ਬਹੁਤ ਕੋਸ਼ਿਸ਼ਾਂ ਦੇ ਬਾਵਜੂਦ ਉਸ ਦੀ ਹਾਲਤ ਵਿੱਚ ਸੁਧਾਰ ਨਹੀਂ ਹੋਇਆ ਅਤੇ ਅੱਜ ਸ਼ਾਮ 7 ਵਜੇ ਉਸਨੇ ਆਖਰੀ ਸਾਹ ਲਿਆ। ਉਸ ਦੀ ਮ੍ਰਿਤਕ ਦੇਹ ਨੂੰ ਇੱਥੇ ਪੀਜੀਆਈ ਵਿੱਚ ਮੁਰਦਾਘਰ ਵਿੱਚ ਭੇਜ ਦਿੱਤਾ ਗਿਆ ਹੈ, ਪੁਲਿਸ ਵੱਲੋਂ ਮੈਡੀਕਲ-ਕਾਨੂੰਨੀ ਕਾਰਵਾਈਆਂ ਪੂਰੀਆਂ ਕਰਨ ਤੋਂ ਬਾਅਦ ਲਾਸ਼ ਵਾਰਸਾਂ ਨੂੰ ਸੌਂਪ ਦਿੱਤੀ ਜਾਵੇਗੀ

ਗੌਰਤਲਬ ਹੈ ਕਿ ਚੰਡੀਗੜ੍ਹ ਪੀਜੀਆਈ ਵਿੱਚ ਇੱਕ ਔਰਤ ਨੂੰ ਫਰਜ਼ੀ ਸਟਾਫ਼ ਦੱਸ ਕੇ ਟੀਕਾ ਲਾਉਣ ਦੇ ਮਾਮਲੇ ਵਿੱਚ ਪੁਲੀਸ ਨੇ 4 ਵਿਅਕਤੀਆਂ ਨੂੰ ਗ੍ਰਿਫ਼ਤਾਰ ਕੀਤਾ ਸੀ। ਟੀਕਾ ਲਗਾਉਣ ਵਾਲੀ ਔਰਤ ਦੀ ਪਛਾਣ ਜਸਪ੍ਰੀਤ ਕੌਰ ਵਾਸੀ ਸੰਗਰੂਰ ਵਜੋਂ ਹੋਈ ਸੀ। ਉਹ ਪਟਿਆਲਾ ਵਿੱਚ ਕੇਅਰਟੇਕਰ ਵਜੋਂ ਕੰਮ ਕਰਦੀ ਸੀ। ਪੁਲਿਸ ਨੇ ਉਸ ਨੂੰ ਸੰਗਰੂਰ ਤੋਂ ਹੀ ਗ੍ਰਿਫ਼ਤਾਰ ਕੀਤਾ ਸੀ।

ਰਾਜਪੁਰਾ ਦੀ ਰਹਿਣ ਵਾਲੀ ਮਹਿਲਾ ਮਰੀਜ਼ ਦੇ ਭਰਾ ਜਸਮੀਤ ਸਿੰਘ ਨੇ ਜਸਪ੍ਰੀਤ ਕੌਰ ਨੂੰ ਟੀਕਾ ਲਗਾਉਣ ਲਈ ਪੈਸੇ ਦੇ ਕੇ ਭੇਜਿਆ ਸੀ। ਉਸ ਨੇ ਇਹ ਟੀਕੇ ਆਪਣੇ ਸਾਥੀ ਬੂਟਾ ਸਿੰਘ ਵਾਸੀ ਰਾਜਪੁਰਾ ਅਤੇ ਮਨਦੀਪ ਸਿੰਘ ਵਾਸੀ ਪਟਿਆਲਾ ਤੋਂ ਖਰੀਦੇ ਸਨ। ਦੋਵਾਂ ਨੇ ਇਹ ਟੀਕੇ ਰਾਜਪੁਰਾ ਦੇ ਹਸਪਤਾਲ ਵਿੱਚ ਕੰਮ ਕਰਦੇ ਆਪਣੇ ਇੱਕ ਸਾਥੀ ਤੋਂ ਲਏ ਸਨ।

ਇਸ ਦੌਰਾਨ ਘਟਨਾ ਤੋਂ ਬਾਅਦ ਮਹਿਲਾ ਮਰੀਜ਼ ਦੀ ਹਾਲਤ ਨਾਜ਼ੁਕ ਬਣੀ ਹੋਈ ਸੀ। ਉਨ੍ਹਾਂ ਨੂੰ ਆਈਸੀਯੂ ’’ਚ ਵੈਂਟੀਲੇਟਰ ’’ਤੇ ਰੱਖਿਆ ਗਿਆ । ਪੁਲਿਸ ਨੇ ਇਸ ਮਾਮਲੇ ’’ਚ ਮਹਿਲਾ ਮਰੀਜ਼ ਦੇ ਪਰਿਵਾਰ ਦੀ ਸ਼ਕਿਾਇਤ ’’ਤੇ ਮਾਮਲਾ ਦਰਜ ਕੀਤਾ ਸੀ।

* ਇਹ ਹੈ ਪੂਰਾ ਮਾਮਲਾ

ਹਰਮੀਤ ਕੌਰ ਨੇ 4 ਨਵੰਬਰ ਨੂੰ ਬੇਟੇ ਨੂੰ ਜਨਮ ਦਿੱਤਾ ਸੀ। ਜਣੇਪੇ ਦੌਰਾਨ ਜ਼ਿਆਦਾ ਖੂਨ ਵਗਣ ਅਤੇ ਕਿਡਨੀ ਦੀ ਸਮੱਸਿਆ ਕਾਰਨ ਉਸ ਨੂੰ 6 ਨਵੰਬਰ ਨੂੰ ਪੀਜੀਆਈ ਚੰਡੀਗੜ੍ਹ ਰੈਫਰ ਕੀਤਾ ਗਿਆ ਸੀ। ਉਸਦੀ ਹਾਲਤ ਵਿੱਚ ਸੁਧਾਰ ਹੋਣ ਤੋਂ ਬਾਅਦ ਉਸਨੂੰ 13 ਨਵੰਬਰ ਨੂੰ ਨਹਿਰੂ ਹਸਪਤਾਲ ਦੇ ਗਾਇਨੀਕੋਲਾਜੀ ਵਾਰਡ ਵਿੱਚ ਭੇਜ ਦਿੱਤਾ ਗਿਆ ਸੀ। ਇਸ ਤੋਂ ਬਾਅਦ 15 ਨਵੰਬਰ ਦੀ ਰਾਤ 11:05 ਵਜੇ ਇਕ ਔਰਤ ਹਸਪਤਾਲ ਦਾ ਸਟਾਫ਼ ਬਣ ਕੇ ਮਰੀਜ਼ ਹਰਮੀਤ ਕੌਰ ਕੋਲ ਆਈ ਅਤੇ ਪਰਿਵਾਰ ਵਾਲਿਆਂ ਨੂੰ ਦੱਸਿਆ ਕਿ ਉਸ ਨੂੰ ਕਿਡਨੀ ਦੇ ਡਾਕਟਰ ਨੇ ਭੇਜਿਆ ਹੈ। ਮਰੀਜ਼ ਨੂੰ ਟੀਕਾ ਲਾਉਣਾ ਹੈ।

ਇਸ ਤੋਂ ਬਾਅਦ ਔਰਤ ਨੇ ਮਰੀਜ਼ ਨੂੰ ਟੀਕਾ ਲਗਾਇਆ। ਇਸ ਤੋਂ ਬਾਅਦ ਮਰੀਜ਼ ਹਰਮੀਤ ਕੌਰ ਦੀ ਸਿਹਤ ਵਿਗੜ ਗਈ ਅਤੇ ਉਸ ਨੂੰ ਆਈਸੀਯੂ ਵਾਰਡ ਵਿੱਚ ਭੇਜ ਦਿੱਤਾ ਗਿਆ। ਇਸ ਦੌਰਾਨ ਹਰਮੀਤ ਦੀ ਨਨਾਣ ਨੇ ਦੋਸ਼ੀ ਔਰਤ ਦੀ ਫੋਟੋ ਖਿੱਚ ਲਈ ਸੀ, ਜਿਸ ਨਾਲ ਪੁਲਿਸ ਨੂੰ ਉਸ ਨੂੰ ਫੜਨ ‘ਚ ਕਾਫੀ ਮਦਦ ਮਿਲੀ। ਪਤੀ ਗੁਰਵਿੰਦਰ ਨੇ ਮਾਮਲੇ ‘ਚ ਹਰਮੀਤ ਦੇ ਪੇਕੇ ਵਾਲਿਆਂ ‘ਤੇ ਸ਼ੱਕ ਜ਼ਾਹਰ ਕੀਤਾ ਸੀ।