13/03/2024
ਹੋਲੀ ਦਾ ਤਿਉਹਾਰ ਦੇਸ਼ ਭਰ 'ਚ ਧੂਮਧਾਮ ਨਾਲ ਮਨਾਇਆ ਜਾਂਦਾ ਹੈ। ਹਰ ਸਾਲ ਹੋਲੀਕਾ ਦਹਿਨ ਫੱਗਣ ਮਹੀਨੇ ਦੇ ਸ਼ੁਕਲ ਪੱਖ ਦੀ ਪੂਰਨਮਾਸ਼ੀ ਦੀ ਰਾਤ ਨੂੰ ਕੀਤਾ ਜਾਂਦਾ ਹੈ ਤੇ ਅਗਲੇ ਦਿਨ ਹੋਲੀ ਦਾ ਤਿਉਹਾਰ ਮਨਾਇਆ ਜਾਂਦਾ ਹੈ। ਲੋਕ ਇਸ ਤਿਉਹਾਰ ਦੀ ਆਮਦ ਦਾ ਬੇਸਬਰੀ ਨਾਲ ਇੰਤਜ਼ਾਰ ਕਰਦੇ ਹਨ। ਇਸ ਵਾਰ ਲੋਕ ਹੋਲੀ ਦੀ ਤਰੀਕ ਨੂੰ ਲੈ ਕੇ ਹੋਰ ਭੰਬਲਭੂਸੇ 'ਚ ਪੈ ਰਹੇ ਹਨ। ਕੁਝ ਲੋਕ ਕਹਿ ਰਹੇ ਹਨ ਕਿ ਹੋਲੀ 24 ਮਾਰਚ ਨੂੰ ਮਨਾਈ ਜਾਵੇਗੀ, ਜਦਕਿ ਕੁਝ ਲੋਕ ਕਹਿ ਰਹੇ ਹਨ ਕਿ ਹੋਲੀ 25 ਮਾਰਚ ਨੂੰ ਮਨਾਈ ਜਾਵੇਗੀ। ਆਓ, ਇਸ ਲੇਖ 'ਚ ਅਸੀਂ ਤੁਹਾਨੂੰ ਦੱਸਾਂਗੇ ਕਿ ਹਿੰਦੂ ਕੈਲੰਡਰ ਦੇ ਮੁਤਾਬਕ ਹੋਲੀ ਕਿਸ ਤਰੀਕ ਨੂੰ ਮਨਾਈ ਜਾਵੇਗੀ।
ਕਦੋਂ ਹੈ ਹੋਲੀ ?
ਹੋਲੀਕਾ ਦਹਿਨ ਤੋਂ ਅਗਲੇ ਦਿਨ ਹੋਲੀ ਮਨਾਈ ਜਾਂਦੀ ਹੈ। ਪੰਚਾਂਗ ਅਨੁਸਾਰ, ਇਸ ਵਾਰ ਫੱਗਣ ਪੁੰਨਿਆ ਤਿਥੀ 24 ਮਾਰਚ ਨੂੰ ਸਵੇਰੇ 09:54 ਵਜੇ ਸ਼ੁਰੂ ਹੋਵੇਗੀ ਤੇ ਅਗਲੇ ਦਿਨ ਯਾਨੀ 25 ਮਾਰਚ ਨੂੰ ਤਿਥੀ ਦੀ ਸਮਾਪਤੀ ਦੁਪਹਿਰ 12:29 ਵਜੇ ਹੋਵੇਗੀ। ਸਨਾਤਨ ਧਰਮ 'ਚ ਉਦੈ ਤਿਥੀ ਦਾ ਜ਼ਿਆਦਾ ਮਹੱਤਵ ਹੈ। ਅਜਿਹੇ 'ਚ ਇਸ ਵਾਰ ਹੋਲੀ 25 ਮਾਰਚ ਨੂੰ ਮਨਾਈ ਜਾਵੇਗੀ।
ਹੋਲਿਕਾ ਦਹਿਨ 2024 ਦਾ ਸ਼ੁਭ ਸਮਾਂ
ਹੋਲੀਕਾ ਦਹਿਨ ਹੋਲੀ ਤੋਂ ਇਕ ਦਿਨ ਪਹਿਲਾਂ ਕੀਤਾ ਜਾਂਦਾ ਹੈ। ਪੰਚਾਂਗ ਅਨੁਸਾਰ, ਹੋਲਿਕਾ ਦਹਿਨ ਦਾ ਸ਼ੁਭ ਸਮਾਂ 24 ਮਾਰਚ ਨੂੰ ਦੁਪਹਿਰ 11:13 ਤੋਂ 12:27 ਤਕ ਹੈ। ਇਸ ਦੌਰਾਨ ਹੋਲਿਕਾ ਦਹਿਨ ਕੀਤਾ ਜਾਵੇਗਾ।
ਕਦੋਂ ਤੋਂ ਸ਼ੁਰੂ ਹੈ ਹੋਲਾਸ਼ਟਕ ?
ਹੋਲੀ ਤੋਂ ਅੱਠ ਦਿਨ ਪਹਿਲਾਂ ਹੋਲਾਸ਼ਟਕ ਸ਼ੁਰੂ ਹੋ ਜਾਂਦਾ ਹੈ। ਇਸ ਸਮੇਂ ਦੌਰਾਨ ਮੰਗਲ ਤੇ ਸ਼ੁਭ ਕਾਰਜਾਂ ਦੀ ਮਨਾਹੀ ਹੈ। ਪੰਚਾਂਗ ਅਨੁਸਾਰ ਸ਼ੁਕਲ ਪੱਖ ਦੀ ਅਸ਼ਟਮੀ ਤਿਥੀ 16 ਮਾਰਚ ਨੂੰ ਰਾਤ 9:39 ਵਜੇ ਸ਼ੁਰੂ ਹੋਵੇਗੀ ਤੇ 17 ਮਾਰਚ ਨੂੰ ਸਵੇਰੇ 9:53 ਵਜੇ ਸਮਾਪਤ ਹੋਵੇਗੀ। ਅਜਿਹੇ 'ਚ ਹੋਲਾਸ਼ਟਕ 17 ਮਾਰਚ ਤੋਂ ਸ਼ੁਰੂ ਹੋ ਕੇ 24 ਮਾਰਚ ਨੂੰ ਖਤਮ ਹੋਵੇਗਾ।
Comentarios